Kalinoŭski BATTLE — 12 śniežnia
Bijahrafija, pohlady i asoba Kastusia Kalinoŭskaha stanuć pradmietam sprečki maładych historykaŭ u Hrodnie
U paniadziełak u Centry haradskoha žyćcia ŭ Hrodnie adbudziecca KalinoŭskiBATTLE - bitva maładych haradzienskich historykaŭ i tvorcaŭ za Kastusia Kalinoŭskaha. Intelektualnaja bitva «Asoba ŭ cieniu mifu» pačniecca ŭ paniadziełak 12 śniežnia a 18.30 u Centry haradskoha žyćcia Hrodna pa adrasie: vuł. Savieckaja, 3
Arhanizatary KalinoŭskiBATTLE adznačajuć, što da asoby Kastusia Kalinoŭskaha źviartajucca ŭ šmatlikich vypadkach, karystajučysia tym, što, niahledziačy na minułyja amal 152 hady paśla jaho śmierci i vializny stos napisanych artykułaŭ i knižak, usio ž brakuje dakładnaj infarmacyi nakont jaho asabistych pohladaŭ. Na jakija fakty my zabyvajemsia? Na što zakryvajem vočy? Što adkidajem, kab bačyć tolki toje, što nam daspadoby?
Udzieł u bitvie historykaŭ voźmuć Vasil Hierasimčyk, Alaksiej Kajrys i Dzianis Žyhaviec. Siekundantam budzie kandydat histaryčnych navuk Aleś Radziuk.
Bitva historykaŭ pačniecca ŭ paniadziełak 12 śniežnia a 18.30
Miesca: Centr haradskoha žyćcia #uCentry (Hrodna, vuł. Savieckaja 3, u arku pamiž cyrulniaj i kramaj «Ratušny»). Arhanizatary papiaredžvajuć, što ŭvachod z kosami i siakierami budzie zabaronieny:)
Bolej infarmacyi na staroncy #uCentry ŭ Facebook
