Kiroŭcu, jaki dryftavaŭ na płoščy Pieramohi, pahražaje sprava za źniavahu kaštoŭnaściaŭ
Prakuror Partyzanskaha rajona Minska Siarhiej Barysienka 6 śniežnia raspačaŭ kryminalnuju spravu ŭ dačynieńni kiroŭcy, jaki zajechaŭ na placoŭku pomnika na płoščy Pieramohi, paviedamlaje BiełaPAN.
Sprava zaviedzienaja pa č. 1 art. 339 KK (chulihanstva) u adnosinach 27-hadovaha žychara Minska. Jon padazrajecca ŭ tym, što 29 listapada z 01.30 pa 01.50, znachodziačysia na płoščy Pieramohi, u prysutnaści starońnich hramadzian «naŭmysna, z chulihanskich mierkavańniaŭ, vykazvajučy vidavočnuju niepavahu da hramadstva, i z vyklučnym cynizmam, zajechaŭ na aŭtamabili «Mersedes-Bienc S300» na placoŭku pomnika i, uvioŭšy aŭtamabil u kirujemy zanos, prajechaŭ kala troch kołaŭ vakoł svajoj vosi («dryftavaŭ»), čym hruba parušyŭ hramadski paradak».
Paśla kiroŭca pasprabavaŭ uciačy ad supracoŭnikaŭ milicyi.
Jak paviedamili ŭ prakuratury, śledstvu taksama treba budzie dać pravavuju acenku dziejańniam kiroŭcy pa art. 346 KK (źniavaha historyka-kulturnych kaštoŭnaściaŭ).
