Polskija ŚMI raspaviali pra najaŭnaść traciłu na abłomkach samalota Lecha Kačyńskaha
Polskaja vyviedka viedała pra najaŭnaść śladoŭ traciłu na abłomkach samalota prezidenta Polščy Lecha Kačyńskaha. Pra heta paviedamlaje «RIAN» sa spasyłkaj na artykuł vydańnia Gazeta Polska, jakaja budzie apublikavanaja 9 listapada.
Paviedamlajecca, što ŭ padrychtoŭcy vizitu Lecha Kačyńskaha ŭ Rasiju ŭdzielničali čatyry supracoŭniki polskaj raźviedki, adzin ź ich taksama zahinuŭ u avijakatastrofie. Pavodle infarmacyi vydańnia, jany byli supracoŭnikami ministerstva zamiežnych spraŭ Polščy, i amal adrazu paśla katastrofy im było viadoma, što na abłomkach Tu-154 jość ślady vybuchovych rečyvaŭ. Adnak ni da jakich nastupstvaŭ hetyja dadzienyja nie pryviali. Ciapier polskaja prakuratura vyśviatlaje, ci nie było ździejśnienaje złačynstva ŭ suviazi z hetaj infarmacyjaj, śledstva pravodzicca tajemna.