Nadzieju Saŭčanka nie puścili praź biełaruska-rasijskuju miažu pad Smalenskam
Ukrainskaja deputatka Nadzieja Saŭčanka pryjechała ŭ Maskvu na słuchańni pa spravie ŭkraincaŭ Mikałaja Karpiuka i Stanisłava Kłycha, asudžanych u Rasii pa abvinavačvańni va ŭdziele ŭ bajavych dziejańniach na baku čačenskich sieparatystaŭ u 1990-ch hadach.
Jak vyjaviłasia, u Maskvu Saŭčanka trapiła z druhoj sproby. Jak paviedamlaje ŭ fejsbuku advakat Illa Novikaŭ, u aŭtorak viečaram jana na aŭtamabili sprabavała pierasiekčy dziaržmiažu ŭ Smalenskaj vobłaści.
Pamiežniki spynili jaje i stali cikavicca metaj vizitu ŭ Rasijskuju Fiederacyju, tamu što raniej Saŭčanka była asudžanaja za «ździajśnieńnie asabliva ciažkich złačynstvaŭ suprać hramadzian Rasii». Supracoŭniki KPP nie prapuścili Saŭčanka praź dziaržmiažu, bo jana admoviłasia ŭ poŭnym abjomie paviedamić infarmacyju ab metach svajho vizitu ŭ Rasiju, a taksama admoviłasia čakać, pakul pravaachoŭniki vyśviatlać usie akaličnaści pa svaich kanałach.
Zrazumieŭšy, što raźbiralnictvy mohuć zaciahnucca, Saŭčanka adpraviłasia ŭ Minsk, dzie kupiła kvitki na najbližejšy samalot da Maskvy. Prykładna ŭ 07:35 jana ŭžo prajšła pahraničny kantrol. Šaramiećjeŭskija pamiežniki nie znajšli padstaŭ dla zabarony ŭjezdu.
