Łukašenka: Budzie mahutny i mocny Kitaj — budzie suvierennaja i niezaležnaja Biełaruś
Kitaj źjaŭlajecca adnoj z apor šmatpalarnaści i ŭstojlivaści ŭ śviecie. Pra heta siońnia zajaviŭ Alaksandr Łukašenka, vystupajučy pierad studentami Piekinskaha ŭniviersiteta.
«Tolki šmatpalarny śviet moža ŭtrymać i vyratavać našu płanietu ad razbureńnia. Nivodnaja sistema nie moža doŭha vystajać na adnoj apory. Čym ich bolš, tym bolš mahutnaja sistema. I adnoj z apor hetaj šmatpalarnaści i ŭstojlivaści źjaŭlajecca KNR. I my vielmi zacikaŭleny, kab hetaja apora pastajanna ŭmacoŭvałasia. U hetym naš prahmatyzm, — zajaviŭ kiraŭnik dziaržavy. — Budzie mahutny i mocny Kitaj — budzie suvierennaja i niezaležnaja Biełaruś. Bo heta naš siabar, na plačo jakoha my zaŭsiody zmožam abapiercisia».
Alaksandr Łukašenka padkreśliŭ, što Biełaruś ćviorda prytrymlivajecca šmatviektarnaj zamiežnaj palityki, raźvivaje adnosiny z usimi biez vyklučeńnia rehijonami śvietu, z usimi dziaržavami. «Heta naš šlach adaptacyi i harmaničnaha ŭbudavańnia ŭ imklivy źmienlivy hłabalny śviet. My zaklikajem da dyjałohu, pazbaŭlenaha cisku i prymusu. Bo kožnaja kraina, kožny subjekt mižnarodnych adnosin adkazny za toje, kab naš śviet u cełym staŭ bolš stabilnym, kamfortnym i biaśpiečnym dla ludziej», — adznačyŭ Łukašenka.
«My zaŭsiody zychodzim z takoha razumieńnia pry vypracoŭcy i ažyćciaŭleńni svajoj źniešniaj palityki. Tamu nacelenyja vyklučna na ŭmacavańnie i pašyreńnie supracoŭnictva z usimi susiedziami — i na Uschodzie, i na Zachadzie — nastolki hłyboka, nakolki heta mahčyma, ale nie ŭ škodu kamu-niebudź. my viadziem dyjałoh z tymi partniorami, jakija hatovyja budavać adnosiny ź Biełaruśsiu na raŭnapraŭnaj asnovie, biez dyktatu i prymusu», — zajaviŭ kiraŭnik dziaržavy.
Jon taksama dadaŭ, što Biełaruś vystupaje za biezumoŭnaje viaršenstva prava ŭ mižnarodnych adnosinach, na jakim pavinna hruntavacca sučasnaje spraviadlivaje i šmatpalarnaje śvietaŭładkavańnie.
