Hurt BY CRY prezientavaŭ klip «Duša-jalina» VIDEA
Hurt BY CRY prezentuje na Tuzin.fm svoj novy synhł «Duša-jalina» i klip na jaho.
Sami muzyki nazyvajuć svaju kamandu «dziciom postmadernizmu». «Naša muzyka metanakiravana prabudžaje moc ducha, abudžaje stychiju radaści i niastrymanuju svabodu viesiałości», — kaža śpiavačka Alaksandra Hrachoŭskaja, jakaja i abjadnała vakoł siabie adzinadumcaŭ try hady tamu, kab zrealizavać daŭniuju maru — zapisać albom. Za hety čas BY CRY paŭdzielničaŭ u šerahu muzyčnych festach dy zbornych kancertach, źjeździŭ na «Basovišča», ale albom dahetul tak i nie pabačyŭ śviet.
«Da nas pryjšło razumieńnie taho, što prezentavać svaje pieśni asobnym albomam my nia možam, bo kožny z našych tvoraŭ — heta samastojny śviet. Tamu ad nas možna pačuć i pop-rok, i hard-kor, i hranž, i fank, i pank. Takim čynam my dapamahajem prajavicca kanceptualnamu źmiestu kožnaj asobnaj pieśni», — tłumačyć Alaksandra. Ulubiony pryjom muzykaŭ — źviartacca da narodnych śpieŭnych zdabytkaŭ, ale padavać ich pa-svojmu. Jaskravy prykład tamu — novaja praca BY CRY — «Duša-jalina», jaki prezentujecca ŭ aŭdyjo- i videa vyhladzie. U jaje zapisie ŭziali ŭdzieł Alaksandra Hrachoŭskaja (vakał), Leŭ Babajeŭski (udarnyja), Alaksandar Markievič (bas-hitara), Siarhiej Stec (hitara), Jaŭhien Vałakicin(akardeon), Maryja Sazonava (vakał). Praca viałasia na dvuch studyjach — «Hałapahos studio» (hukarežyser Illa Dmucha) iCherry Records Studio (hukarežyser Jaŭhien Vałakicin).
Klip na «Duša-jalina» zdymaŭsia na chutary ŭ Vajciuškach. Muzyki dziakujuć jahonamu haspadaru Źmitru Vajciuškieviču za takuju mahčymaść. Razam z Alaksandraj Hrachoŭskaj u im źnialisia aktorki respublikanskaha teatra biełaruskaj dramaturhii Maryja Piatrovič, Maryna Dziamidčyk, Hražyna Bykava. Aperataram rolika staŭ Maksim Babič, a režyserkaj — sama Alaksandra. BY CRY taksama dziačyć za padtrymku i dapamohu Viktaru Staruchinu, Vieście Babič, vakalistu hurta Sontsevorot Alaksandru Buzunu, Maksimu Hrachoŭskamu.
Sačyć za navinami hurta možna praz supołki ŬK/FB dy aficyjny sajt.
Pieśnia «Duša-jalina» voźmie ŭdzieł u druhim tury aŭdyjočartu ŭ sezonie 2016/2017. Jaje možna pasłuchać taksama na našym kanale na Soundcloud.