U Brasłaŭskim rajonie zatrymanyja nielehały ź Iraka

Uviečary 25 vieraśnia, pavodle apieratyŭnaj infarmacyi, za kiłamietr ad biełaruska-litoŭskaj miažy ŭ nasielenym punkcie Kaziany Brasłaŭskaha rajona połackija pamiežniki spynili dva aŭtamabili. U ich znachodzilisia čaćviora hramadzian Biełarusi i šaściora hramadzian Iraka. Dakumientaŭ, jakija b davali prava znachodžańnia ŭ pamiežnaj zonie, pradjavić pamiežnamu naradu jany nie zmahli.

Jak paviedamlaje Dziaržaŭny pamiežny kamitet Biełarusi, dziejańni zamiežnikaŭ i biełarusaŭ kvalifikavanyja jak parušeńnie pamiežnaha režymu. Artykuł 23.30 KaAP praduhledžvaje pakarańnie ŭ vyhladzie papiaredžańnia z departacyjaj abo bieź jaje albo nakładańnie štrafu ŭ pamiery da dvaccaci bazavych vieličyń z departacyjaj abo biez departacyi.

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0