Pierad matčam Biełaruś—Francyja zaŭziataram razdaduć 13 tysiač majek z brendam «Biełyja kryły»
6 vieraśnia ŭ 21.45 na «Barysaŭ-Arenie» zbornaja Biełarusi pa futbole startuje ŭ kvalifikacyi ČS-2018 matčam ź vice-čempijonami Jeŭropy kamandaj Francyi.
Abnoŭleny adździeł markietynhu fiederacyi futboła padrychtavaŭ da hulni nievialiki siurpryz dla zaŭziataraŭ i šerah aktyŭnaściaŭ.
Tak, na ŭsich siadzieńniach areny pierad matčam raźmieściać majki z novym brendam zbornaj Biełarusi «Biełyja kryły».
U pierapynku hrupa Navi vykanaje pieśniu «Napierad, Biełakryłyja», jakaja stała nieaficyjnym himnam nacyjanalnaj kamandy, pry hetym na ekrany areny buduć vyvodzicca słovy pieśni.
Buduć arhanizavanyja punkty prodažu atrybutyki i kalekcyjnych i rarytetnych futbolnych suvieniraŭ. U zabaŭlalnaj zonie arhanizatary matču płanujuć zrabić čatyry kropki akvahrymu, dźvie fotabudki i pryntar ź biaspłatnym drukam fatahrafij zaŭziataraŭ.
Upieršyniu na aficyjnym matčy zbornaj budzie pracavać «budka hałosnaści», u jakoj kožny zaŭziatar zmoža pahutaryć z karespandentam ABFF TB.
Taksama zaŭziataram prapanujuć namalavać płakat u padtrymku hałoŭnaj kamandy krainy.