Žuraŭkoŭ: Sioleta kolkaść škoł i kłasaŭ z navučańniem na biełaruskaj movie nie pabolšała
Sioleta kolkaść škoł i kłasaŭ z navučańniem na biełaruskaj movie nie pavialičyłasia, paviedamiŭ na pres-kanfierencyi 30 žniŭnia ŭ Minsku ministr adukacyi Michaił Žuraŭkoŭ.
Miž tym, adznačyŭ jon, cikavaść da biełaruskaj movy ŭzrastaje nie tolki ŭ školnikaŭ, ale i ŭ studentaŭ. Ministr dadaŭ, što ŭ hetym navučalnym hodzie ŭ školnaj prahramie pavialičyłasia kolkaść hadzin biełaruskaj movy i litaratury i zraŭnavałasia z kolkaściu hadzin ruskaj movy i litaratury.
Na dumku čynoŭnika, ministerstva tut «nie idzie šlacham naviazvańnia movy navučańnia».
Pa-pieršaje, zajaviŭ jon, vybar movy navučańnia pavinien zychodzić z žadańnia baćkoŭ, pa-druhoje, škoły sami pavinny arhanizoŭvać taki praces navučańnia.
«Zhodna z našym zakanadaŭstvam, kali baćki chočuć, kab ich dzicia vučyłasia na biełaruskaj movie, dziaržava abaviazana zabiaśpiečyć navučańnie na toj movie, na jakoj žadaje prachodzić navučańnie dzicia. My za hetym stroha sočym, kab nie ŭščamlalisia pravy našych hramadzian pry navučańni na toj ci inšaj dziaržaŭnaj movie», — skazaŭ Žuraŭkoŭ.
Jon adznačyŭ, što ŭ škołach jość prahramy dla tych dziaciej, jakija chočuć vučycca na biełaruskaj movie.
