Łukašenka padpisaŭ ukaz ab pradastaŭleńni bieznajaŭnych žyllovych subsidyj biednym słajam nasielnictva
Alaksandr Łukašenka 29 žniŭnia padpisaŭ ukaz numar 322 «Ab pradastaŭleńni bieznajaŭnych žyllovych subsidyj». Ab hetym paviedamili ŭ pres-słužbie biełaruskaha lidara.
Dakumientam praduhledžvajecca ŭkaranieńnie z 1 kastryčnika 2016 hoda sistemy bieznajaŭnych žyllovych subsidyj na asnovie vyjaŭnaha i zajaŭnaha pryncypaŭ. Heta miera nieabchodna dla zabieśpiačeńnia dziaržaŭnaj padtrymki ŭ pieršuju čarhu asob piensijnaha ŭzrostu i sacyjalna słabaabaronienych katehoryj hramadzian va ŭmovach rostu ŭzroŭniu pakryćcia nasielnictvam zatrat na akazańnie žyllova-kamunalnych pasłuh.
Subsidyi buduć pradastaŭlacca ŭ vypadku, kali štomiesiačnaja suma płaty za ŽKP u miežach ustanoŭlenych norm spažyvańnia hetych pasłuh i suma pakryćcia raschodaŭ na elektraenierhiju, spažyvajemuju na aśviatleńnie dapamožnych pamiaškańniaŭ i rabotu abstalavańnia ŭ šmatkvaternym žyłym domie, pieravyšaje 20 pracentaŭ siaredniamiesiačnaha sukupnaha dachodu siamji, jakaja pražyvaje ŭ horadzie, i 15 pracentaŭ - u sielskim nasielenym punkcie.
Ukazam praduhledžvajecca, što pieralik dachodaŭ ułaśnika žyłoha pamiaškańnia, najmalnika žyłoha pamiaškańnia dziaržaŭnaha žyllovaha fondu, člena arhanizacyi zabudoŭščykaŭ i pražyvajučych sumiesna ź im členaŭ jaho siamji, jakija ŭdzielničajuć u vyznačeńni sukupnaha dachodu, dla pradastaŭleńnia bieznajaŭnych žyllovych subsidyj budzie vyznačany ŭradam.
Ukaranieńnie sistemy naličeńnia subsidyj na asnovie vyjaŭnaha pryncypu budzie ažyćcioŭlena z 1 kastryčnika 2016 hoda niepracujučym piensijanieram i niepracujučym invalidam.
Hramadzianam, nie achoplenym sistemaj vyjaŭnaha pryncypu, pradastaŭleńnie subsidyj budzie ažyćciaŭlacca taksama z 1 kastryčnika 2016 hoda na asnovie zajaŭnaha pryncypu.
Pry hetym uradu daručajecca praanalizavać efiektyŭnaść pradastaŭleńnia bieznajaŭnych žyllovych subsidyj pa vyjaŭnym pryncypie i ŭnieści va ŭstanoŭlenym paradku na razhlad Prezidenta prapanovy ab mahčymym pašyreńni katehoryj hramadzian, jakim bieznajaŭnyja žyllovyja subsidyi pradastaŭlajucca pa vyjaŭnym pryncypie.
Ukazam taksama zaćvierdžany paradak pradastaŭleńnia subsidyj
