Łukašenka płanuje ŭ kastryčniku naviedać Pakistan
Alaksandr Łukašenka ŭ kastryčniku płanuje ździejśnić vizit u Pakistan, padčas jakoha praviadzie pieramovy z premjer-ministram hetaj krainy Navazam Šaryfam.
Pra heta išła razmova siońnia na sustrečy biełaruskaha lidara ź dziaržaŭnym ministram pa zamiežnych spravach, śpiecyjalnym pamočnikam premjer-ministra Pakistana Saidam Tarykam Fatemi.
«Mnie pryjemna sustrakać vas, pradstaŭnika majho dobraha siabra. Ja vielmi rady, što my ŭ svoj čas nie prosta paznajomilisia z Navazam Šaryfam, ale nas źviazvajuć vielmi dobryja, ciesnyja adnosiny. U nas niama nijakich asabistych roznahałośsiaŭ. Pry abmierkavańni mnohich pytańniaŭ — palityčnych, ekanamičnych - u nas taksama poŭnaje supadzieńnie punktaŭ hledžańnia. My zakłali ź im padmurak na budučyniu adnosinaŭ pamiž Pakistanam i Biełaruśsiu», — adznačyŭ kiraŭnik krainy.
Alaksandr Łukašenka padkreśliŭ, što ŭ Biełarusi hanaracca družalubnymi adnosinami z takim mahutnym i ŭpłyvovym dziaržavaj, jak Pakistan. «Dla mianie ŭ Pakistanie niama čužych, nie svaich pytańniaŭ. My pieražyvajem za toje, jakaja abstanoŭka ŭ Pakistanie, jak vy raźvivajeciesia. Sapraŭdy hetak Navaz Šaryf mnie kazaŭ, što dla jaho Biełaruś nieabyjakavaja», - skazaŭ kiraŭnik biełaruskaj dziaržavy.
«Ź im my sustreniemsia ŭ kastryčniku», - zajaviŭ prezident, adznačyŭšy, što hetaja sustreča pavinna być hłybokaj, na joj płanujecca prapracavać mnohija pytańni, u tym liku na pierśpiektyvu.
