Jaki ŭzrovień radyjacyi na zakinutych jadziernych bazach pad Ščučynam i Babrujskam?
Nie tak daŭno ja pabyvaŭ u zakinutych schoviščach, u jakich raniej zachoŭvałasia jadziernaja zbroja. Adno z pytańniaŭ, jakija ciapier cikavić mnohich čytačoŭ: jaki ŭzrovień radyjacyi ciapier u hetych abjektach, ci nie ŭjaŭlajuć jany niebiaśpieku?
U pryncypie, hetyja aściarohi niebiespadstaŭnyja — usio, što maje dačynieńnie da radyjacyi, moža ŭjaŭlać tuju ci inšuju niebiaśpieku: mietał nabyvaje naviedzienuju radyjeaktyŭnaść, a ŭ vypadku razhiermietyzacyi krynic radyjacyi moža zabrudžvacca navakolnaja prastora. Varta ŭličvać i toje, što dadzienyja schoviščy znachodziacca nie na Miesiacy, i trapić tudy možna adnosna lohka.
Adrazu chaču zrabić ahavorku: dadzienyja zamiery nie pretendujuć na prafiesijnaje dazimietryčnaje daśledavańnie i vykanany prostym bytavym dazimietram. Tym nie mienš sioje-toje znajści ŭdałosia.
Pieršy abjekt — schovišča jadziernaj zbroi pad Ščučynam.
Jak i inšyja padobnyja abjekty, kompleks zakinuty ŭžo bolš za 20 hadoŭ. Pieršy zamier — na padłozie vierchniaha paviercha kazarmy, dzie vilhotna i šmat mochu: jak praviła, kali niedzie pablizu jość radyjacyja, to moch budzie radyjeaktyŭnym, jon vielmi dobra nazapašvaje radyjenuklidy. 21 mkr/hadzina — praktyčna norma.
Padnimajemsia na dach kazarmy. U Prypiaci takija dachi vielmi radyjeaktyŭnyja, tak jak na ich źvierchu vypali radyjeaktyŭnyja apadki ŭ vyhladzie zavisi, i dachi praktyčna nijak nie dezaktyvavalisia. Zamiarajem rubierojd i hudronavyja švy — norma, radyjeaktyŭnych apadkaŭ tut nie było.
Moch na terytoryi vajskovaj čaści — norma, 16 mkr/hadzinu. Kali b niedzie ŭ hetym miescy ŭ hruncie prysutničali radyjenuklidy, moch byŭ by radyjeaktyŭnym.
Pamiaškańnie rehłamientnych rabot — 24—25 mkr / hadzinu. U pryncypie, heta ŭžo krychu vyšej za normu, mahčyma, niejkaja słabaja śledavaja reakcyja.
Padłoha pamiaškańnia rehłamientnych rabot: kaliści ŭ hetym abjekcie pierahružali jadziernyja bojehałoŭki. 23 mkr/hadzinu. Było b cikava pryjechać i «paniuchać» hety abjekt prafiesijnym scyncilatornym detektaram.
Padychodzim da samoha schovišča, kładziom dazimietr na moch — 27—28 mkr/hadzinu, a voś heta ŭžo cikaviej. Heta biaśpiečny ŭzrovień, ale nievialikaje pieravyšeńnie normy ŭžo jość, pryčym heta moža być źviazana jak z profilnaj dziejnaściu abjekta, tak i z čarnobylskimi apadkami 1986 hoda.
Podstupy da schovišča, 15 mkr/hadzinu.
Pieršaja zapornaja brama bunkiera, 12 mkr/hadzinu.
Pieramiaščajemsia na inšy abjekt — aeradromnaje schovišča jadziernych bojehałovak pad Babrujskam.
Pieršy zamier — syraježka niedaloka ad tutejšaha pamiaškańnia rehłamientnych rabot. 12 mkr/hadzinu.
Pamiaškańnie rehłamientnych rabot maje dźvie doŭhija bakavyja paterny, jakija ciapier całkam vyharali ŭ vyniku pažaru. U pravaj paternie fon — 22 mkr/hadzinu.
A ciapier pojdziem da samich schoviščaŭ. Padymajemsia na zavał la zasypanych uvachodnych dźviarej i zamierajem mietał na ŭvachodzie ŭ bunkier — 10 mkr/hadzinu, norma.
Mietał na ŭvachodzie ŭ adsieki schoviščy. Fon u normie, jak u Miensku.
Zamier ŭnutry adsieka — voś prosta tut lažali jadziernyja bojehałoŭki. 17 mkr/hadzinu.
Ahułam — abodva abjekty biaśpiečnyja z punktu hledžańnia radyjacyjnaj biaśpieki. Biełaruskija jadziernyja schoviščy čystyja.
