Jak u maleńkim biełaruskim horadzie robiać kraftavyja syry FOTA
U maleńkim horadzie na ŭschodzie Biełarusi pad nazvaj Słaŭharad (byłaja nazva Prapojsk) 15 pažyłych ludziej robiać syry, jakija słaviacca na ŭsiu Mahiloŭskuju vobłaść.
U samim horadzie pražyvaje kala 8 tysiač, ale miascovyja ličać Słaŭharad centram syravareńnia. A ŭsio pačałosia z taho, što niekalki syravarskich haspadarak abjadnalisia ŭ kłub «Słaŭharadskich syravaraŭ». Ich inicyjatyvu padtrymali roznyja mižnarodnyja arhanizacyi Jeŭrasajuza, a Alaksandr Łukašenka padaryŭ imiannuju prezidentskuju kazu.
Niekalki razoŭ na tydzień jany adčyniajuć svaju «Syrnuju łaŭku» i pradajuć syry miascovym žycharam pa davoli nizkich cenach. Tudy my i adpraŭlajemsia.
Usiaho «Słaŭharadskich syravaraŭ» 15 čałaviek — 13 žančyn i dvoje mužčyn. Asartymient syroŭ bolšy, čym u minskich kramach: viaskovy sułuhuni, adyhiejski, płaŭleny, vendžany, z kmienam, miodam, paprykaj, kropam, marmieładam, i heta jašče nie poŭny śpis. Ceny sapraŭdy ŭražvajuć: ad 10 da 20 rubloŭ (100-200 tysiač).
Niahledziačy na toje, što syr zajmieŭ papularnaść u Mahiloŭskaj vobłaści, kolkaść vytvorčaści nie pavialičyłasia. «Syrami my častavali i prezidenta, i pradstaŭnikoŭ AAN, i francuzskuju delehacyju. Usim usio spadabałasia», — kažuć fiermiery. Voś niadaŭna ich zaprasili ŭ Aleksandryju na «Kupalle».
Na fota syr z kazinaha małaka
Syravary sapraŭdy robiać smačnyja i duchmianyja syry, i ich całkam možna nazvać kraftavymi. Naprykład, Uładzisłaŭ Siamionavič robić biełaruski sułuhuni. Pa pachodžańni jon kaŭkaziec, 25 hod žyvie ŭ Biełarusi i ŭžo 5 hod zajmajecca syravareńniem.
Uładzisłaŭ Siamionavič
Usie syravary ŭ adzin hołas kažuć, što hatovyja vyrablać bolš pradukcyi, čym ciapier. Tak, jany jeździać na miascovyja fiestyvali, ale asnoŭny pakupnik ich znachodzicca ŭ rodnym Słaŭharadzie.
Vytvorčaść tych ža tvarožnych syroŭ biezadchodnaja, a recept — praściej nie byvaje. Dla pryhatavańnia patrabujecca małako, sol, vocat i hazavaja abo elektryčnaja plita. Pa časie ž syr robicca kala 2 hadzin.
Paśla znajomstva z syravarami i ich pradukcyjaj składajecca ŭražańnie, što im patrebnyja dźvie rečy: hrošy dla pašyreńnia abjomaŭ vytvorčaści i dobry markietołah. Im nieabchodny čałaviek, jaki skaža, što vašyja syry ciapier buduć nazyvacca kraftavymi, a pradukcyja budzie prysutničać u kramach i restaranach Minska.
Materyjał stvorany pry padtrymcy «Borjomi Biełaruś» u ramkach prajekta «Hastranamičnyja ekśpiedycyi Borjomi».
