Auf Wiedersehen! Francyja pieramahaje Hiermaniju — 2:0
Vyznačyŭsia druhi finalist Jeŭra-2016. Im stali haspadary turniru — zbornaja Francyja.
Antuan Hryzman. Fota uefa.com.
Mabyć, heta była adna z najbolš vidoviščynych hulniaŭ sioletniaha Jeŭra. Matč prachodziŭ na vysokich chutkaściach, sustrečnych atakach. Spačatku trochu lepš vyhladali francuzy, potym — niemcy, paśla — znoŭ francuzy.
Usio ž spraviadlivym vynikam pieršaha tajma pavinna była być ničyja. Ale svaju spravu zrabiŭ fatalny vuhłavy ŭ kampiensavany arbitram čas. Rukoj u pavietry zhulaŭ Baści Švajnštajhier. Hetki samy momant byŭ u niemcaŭ u čverćfinale ź italjancami, tady rukoj zhulaŭ Baatenh.
Italjanski arbitr pryznačyŭ pienalci. Antuan Hryzman takija šancy nie razbazarvaje — 1:0.
U druhim tajmie prablemy niemcaŭ pahoršylisia traŭmaj abaroncy Žeroma Baatenha, jaki padviarnuŭ nahu na roŭnym miescy. Abaroncu daviałosia zamianiać.
Mahčyma, mienavita Baatenha nie chapiła ŭ štrafnoj, kali toj samy Hryzman u druhim tajmie prapichnuŭ miač u bramku čempijonaŭ śvietu — 2:0.
U Antuana Hryzmana stała 6 hałoŭ. Jon najlepšy bambardzir hetaha Jeŭra.
Varta adznačyć, što hetaja zbornaja Francyi ŭ vieraśni pryjedzie ŭ Barysaŭ, kab padužacca sa zbornaj Biełarusi.
U finale 10 lipienia sustrenucca Partuhalija — Francyja. Hulnia pačniecca ŭ 22:00.
