Šatłandyja źbirajecca pravieści refierendum ab niezaležnaści
Urad Šatłandyi pačnie rychtavać zakanadaŭčuju bazu dla praviadzieńnia novaha refierendumu ab niezaležnaści, zajaviła pieršy ministr Šatłandyi Nikoła Sterdžen.
AFP
Pa słovach Sterdžen, dla pačatku padrychtoŭki dakumientaŭ treba rašeńnie parłamienta ab tym, što refierendum — heta najlepšy sposab zachavać miesca Šatłandyi ŭnutry Jeŭrasajuza i adzinaha jeŭrapiejskaha rynku.
Bolšaja častka nasielnictva Šatłandyi ŭ chodzie refierendumu ab členstvie Vialikabrytanii ŭ Jeŭrasajuzie prahałasavała za toje, kab zastacca ŭ ES.
«Šatłandyja jasna i rašuča prahałasavała za toje, kab zastacca častkaj Jeŭrasajuza», — adznačyła Sterdžen u suviazi z hetym.
Pavodle jaje słoŭ, kraina bačyć svaju budučyniu mienavita ŭ składzie adzinaj Jeŭropy.
Pieršy refierendum ab niezaležnaści rehijonu prajšoŭ u 2014 hodzie. Na im bolš za 50% hramadzian, jakija hałasavali, vykazalisia za toje, kab Šatłandyja zastałasia častka Vialikabrytanii.