Minsportu i turyzmu rekamienduje biełarusam u Francyi być vielmi aściarožnymi
Ministerstva sportu i turyzmu Biełarusi rekamienduje biełaruskim hramadzianam, što znachodziacca ŭ Francyi, vykonvać patrabavańni miascovych uład, być vielmi aściarožnymi, pa mahčymaści paźbiahać naviedvańnia miescaŭ ź vialikaj kolkaściu ludziej. Pra heta havorycca ŭ paviedamleńni biełaruskaha turystyčnaha viedamstva.
Ministerstva sportu i turyzmu taksama źviartajecca da biełaruskich turystyčnych kampanij, jakija nakiroŭvajuć hramadzian u Francyju, z prośbaj apieratyŭna ŭdakładnić źviestki pra znachodžańnie turystaŭ, ich stan.
Biełaruskaje MZS «rekamienduje hramadzianam našaj krainy, jakija znachodziacca ŭ Francyi, vykonvać ukazańni ŭład i vyjści na suviaź z rodnymi i blizkimi ŭ Biełarusi». Pasolstva ŭ Paryžy praciahvaje adsočvać situacyju.
Źniešniepalityčnaje viedamstva apublikavała telefon dla ekstrannaj suviazi z pasolstvam u Francyi: +33609784140. Telefanavać mohuć tolki hramadzianie, rodnyja jakich znachodziacca ŭ Paryžy i nie vychodziać na suviaź. Telefon haračaj linii prefiektury Paryža dla turystaŭ +33(0)145558000.