Ekśpierty nazvali košt nafty, ź jakoha pačniecca krušeńnie finansavaj sistemy Rasii
Analityki ličać, što padzieńnie suśvietnych koštaŭ na naftu da 22,50 dalara za barel vykliča krach rasijskaj finansavaj sistemy.
sapo.pt
«Ekanamisty ŭ asobnym ahladzie prahnazujuć, što rasijskaja ekanomika skarocicca na 3,7% u hetym hodzie, što horš, čym 3,5% skaračeńnie pavodle prahnozaŭ minułaha miesiaca. Rubiel, što handlujecca na ŭzroŭni mienšym, čym 70 rubloŭ za dalar na praciahu doŭhaha pieryjadu, dadaść pracentnyja punkty da spadu ŭ hetym hodzie», — piša ahienctva Bloomberg.
30 apytanych ahienctvam ekanamistaŭ zajavili, što papularnaść prezidenta Rasii Uładzimira Pucina siarod nasielnictva pačnie źnižacca, kali nafta patańnieje da 30 dalaraŭ za barel. Padzieńnie koštaŭ da 22,50 dalaraŭ za barel vykliča krach rasijskaj finansavaj sistemy.
«Ciarpimaść nasielnictva Rasii da ekanamičnych niahod vyšejšaja, čym u luboj inšaj, navat napaŭraźvitaj krainie. Pra rasijskuju ekanomiku možna dakładna skazać, što papularnaść Pucina nie vyznačajecca ekanamičnym prahresam», — zajaviŭ ekanamist niamieckaha Berenberg Bank Volf-Fabijan Chunhierłand.
