Rasijskija chakiery ŭzłamali sistemu e-mail Pientahona
7 žniŭnia stała viadoma pra toje, što złamyśniki ŭzłamali sistemu elektronnaj pošty, što vykarystoŭvajecca Abjadnanym kamitetam načalnikaŭ štaboŭ ŭ Pientahonie, u vyniku čaho amierykanskija vajskoŭcy vymušany byli adklučyć jaje, a zatym całkam ačyścić.
Pra heta paviedamiła krynica ŭ ministerstvie abarony ZŠA na ŭmovach ananimnaści, pakolki nie była ŭpaŭnavažanaja kazać publična.
Pa słovach krynicy, majucca prykmiety taho, što ataka była praviedzienaja pa zamovie ŭrada inšaj dziaržavy. Ekśpierty da hetaha času analizujuć maštaby ataki i sprabujuć znajści tych, chto niasie za jaje adkaznaść. Ataka adbyłasia kala dvuch tydniaŭ tamu, adznačyła krynica. Heta prymusiła vajennych adklučyć sietku dla niesakretny źviestak, choć kiravańnie sistemaj nie było stračanaje. Čakajecca, što sistema budzie adnoŭlenaja ŭ bližejšy čas.
Krynicy NBC News paviedamlajuć, što za dadzienaj atakaj stajała Rasija. Takuju ž infarmacyju raspaŭsiudziła i CNN. U toj ža čas havorycca, što nijakaj sakretnaj infarmacyi ŭ vyniku napadu zhublena nie było.
