Na poŭdni Ukrainy prajšli rekordnyja maršy vyšyvanak FOTA, VIDEA
Tradycyjnyja maršy vyšyvanak pa ŭsioj Ukrainie sioleta bjuć rekordy.
Asabliva - na poŭdni i ŭschodzie krainy, dzie da hetaha času jany byli niešmatlikimi. Pra heta havorycca ŭ siužecie TSN.
Adesity pačali marš z chviliny maŭčańnia ŭ honar hierojaŭ «Niabiesnaj sotni» i ŭsich abaroncaŭ Ukrainy, jakija zahinuli na Uschodzie. Potym praśpiavali himn i rušyli pa Dzierybasaŭskaj.
Pad achovaj bajcoŭ dobraachvotnickaj bataljonaŭ prajšoŭ marš vyšyvanak u Charkavie. Paŭtysiačy haradžan, śpiavajučy «Čiervonu rutu» i himn, prajšli centralnym praśpiektam horada. Niahledziačy na zaściarohi, abyšłosia bieź incydentaŭ.
Piać kiłamietraŭ pa Mikałajevie pad ukrainskimi ściahami i ŭ vyšytych kašulach prajšli bolš za tysiaču haradžan, što stała dla horada absalutnym rekordam.
Nahadajem, što 21 maja ukraincy adznačali Dzień vyšyvanki.
