MZS Abchazii ŭhledzieŭ terytaryjalnyja pretenzii ŭ supolnaj zajavie kiraŭnikoŭ Biełarusi i Hruzii
23 krasavika prezidenty Hruzii i Biełarusi padpisali sumiesnuju zajavu, u jakoj, pavodle infarmacyi hruzinskich ŚMI, havorycca, što Hruzija i Biełaruś paćviardžajuć pavahu da suvierenitetu, terytaryjalnaj cełasnaści i nieparušnaści miežaŭ.
24 krasavika MZS Abchazii zajaviŭ pra toje, što padpisanaja sumiesnaja zajava maje na ŭvazie pretenzii Hruzii na terytoryju Abchazii i Paŭdniovaj Asiecii jak častki svajoj dziaržavy.
«U suviazi z hetym MZS respubliki nahadvaje pra toje, što tak zvanaja «terytaryjalnaja cełasnaść» Hruzii ŭ tym farmacie, u jakim jaje bačać u Hruzii, z 1993 hoda prosta nie isnuje», — padkreślili ŭ MZS Abchazii.
«Abchazija aktyŭna raźvivaje svaje mižnarodnyja kantakty i nabyvaje ŭsio novych sajuźnikaŭ i partnioraŭ. Najbolš jarkim paćviardžeńniem paśpiachovaj realizacyi źniešniepalityčnaha kursu Respubliki Abchazija moža słužyć dynamičnaje supracoŭnictva z našym stratehičnym partnioram, pastajannym členam Savieta Biaśpieki AAN — Rasijskaj Fiederacyjaj, a taksama ź inšymi dziaržavami, jakija pryznali niezaležnaść Abchazii.
Sumna, što hruzinskaje kiraŭnictva, jakoje ŭsio jašče žyvie stereatypami i pieražytkami daŭno minułych dzion, sprabuje nie tolki zachoŭvać mif pra niaisnuju «terytaryjalnuju cełasnaść» Hruzii, ale i naviazać jaho inšym krainam, u pryvatnaści, šlacham padpisańnia padobnaha rodu dakumientaŭ, jakija ničoha nie značać i supiarečać isnym palityčnym realijam», — havorycca ŭ zajavie MZS Abchazii.