Žycharu Minskaha rajona pahražaje śmiarotnaja kara za zabojstva troch čałaviek
Prakuraturaj Minskaj vobłaści nakiravana ŭ abłasny sud kryminalnaja sprava ŭ dačynieńni da 30-hadovaha nieadnarazova sudzimaha žychara Minskaha rajona.
Jak paviedamiła namieśnik načalnika adździeła pa nahladzie za vykanańniem zakanadaŭstva USK pa Minskaj vobłaści Taćciana Nachodka, mužčyna abvinavačvajecca ŭ naŭmysnym zabojstvie dźviuch asob, učynienym z asablivaj žorstkaściu, naŭmysnym źniščeńni i paškodžańni majomaści šlacham padpału, što paciahnuła pryčynieńnie ŭronu ŭ bujnym pamiery, a taksama ŭ naŭmysnym zabojstvie, učynienym z metaj schavać inšaje złačynstva.
Zhodna z pradjaŭlenym abvinavačańniem 30-hadovy mužčyna, jaki nidzie nie pracuje, vyzvaliŭšysia ŭ kancy śniežnia 2013 hoda ź miescaŭ pazbaŭleńnia voli, u adzin ź dzion listapada 2014 hoda zajšoŭ u dom susieda 1965 hoda naradžeńnia, dzie razam z apošnim i jaho 48-hadovaj sužycielkaj raśpivaŭ śpirtnyja napoi. U chodzie raptoŭna ŭźnikłaj svarki nanios haspadaru doma i jaho sužycielcy množnyja ŭdary nažom u vobłaść tvaru i šyi, pryčyniŭšy im ciažkija cialesnyja paškodžańni, ad jakich paciarpiełyja pamierli na miescy złačynstva.
Žadajučy schavać ślady zabojstva, abvinavačvany padpaliŭ dom. U vyniku pažaru była źniščana i paškodžana pabudova i majomaść ahulnym koštam bolš za 90 młn. rubloŭ, čym paciarpiełym pryčynieny ŭron u bujnym pamiery.
Pakidajučy miesca złačynstva, abvinavačvany ŭ dvary doma paciarpiełych, sustreŭ 57-hadovaha adnaviaskoŭca. Žadajučy pazbavicca ad śviedki, z metaj zabojstva, sašturchnuŭ mužčynu ŭ bietonnuju jamu vyšynioj zvyš dva mietry. U vyniku padzieńnia paciarpiełamu byli pryčynieny šmatlikija ciažkija cialesnyja paškodžańni, ad jakich jon praź niekalki tydniaŭ pamior u balnicy.
Za naŭmysnaje zabojstva dźviuch asob, učynienaje z asablivaj žorstkaściu, a taksama za naŭmysnaje zabojstva čałavieka z metaj schavać inšaje złačynstva, učynienaje asobaj, jakaja raniej učyniła złačynstva, sudom moža być pryznačana pakarańnie ŭ vyhladzie pazbaŭleńnia voli terminam da 25 hadoŭ, abo pažyćciovaje źniavoleńnie, abo śmiarotnaja kara.
Kryminalnym zakanadaŭstvam za naŭmysnaje źniščeńnie majomaści, učynienaje ahulnaniebiaśpiečnym sposabam, što paciahnuła pryčynieńnie ŭronu ŭ bujnym pamiery, praduhledžana pakarańnie ŭ vyhladzie pazbaŭleńnia voli terminam da 10 hadoŭ.
Papiaredniaje rasśledavańnie kryminalnaj spravy ažyćciaŭlałasia ŭpraŭleńniem Śledčaha kamiteta pa Minskaj vobłaści.
