Biudžet pražytačnaha minimumu ŭ Biełarusi ź lutaha pavyšany na 2,3%
U Biełarusi ŭstanoŭleny biudžet pražytačnaha minimumu ŭ siarednim na dušu nasielnictva i pa asnoŭnych sacyjalna-demahrafičnych hrupach nasielnictva ŭ cenach śniežnia 2014 hoda ŭ raźliku na miesiac. Takoje rašeńnie ŭtymlivajecca ŭ pastanovie Ministerstva pracy i sacyjalnaj abarony ad 21 studzienia 2015 hoda №4.
Biudžet pražytačnaha minimumu ŭ siarednim na dušu nasielnictva z 1 lutaha pa 30 krasavika biahučaha hoda ŭ raźliku na miesiac składaje Br1 428 100. Heta na 2,3% vyšej za narmatyŭ, jaki dziejničaŭ z 1 listapada 2014 hoda pa 31 studzienia 2015 hoda.
Taksama ŭstanoŭleny biudžet pražytačnaha minimumu dla asnoŭnych sacyjalna-demahrafičnych hrup nasielnictva: pracazdolnaha nasielnictva — Br1 549 790; piensijanieraŭ — Br1 950 070; studentaŭ — Br1 386 490; dziaciej va ŭzroście da troch hadoŭ — Br927 610; dziaciej va ŭzroście ad troch da šaści hadoŭ — Br1 292 070; dziaciej va ŭzroście ad šaści da vasiemnaccaci hadoŭ — Br1 586 840.
Jak rastłumačyli ŭ Minpracy i sacabarony, BPM jak sacyjalny narmatyŭ pryznačany dla analizu i prahnazavańnia ŭzroŭniu žyćcia nasielnictva, akazańnia dziaržaŭnaj sacyjalnaj dapamohi małazabiaśpiečanym hramadzianam (siemjam); abhruntavańnia minimalnych dziaržaŭnych sacyjalna-pracoŭnych harantyj.
