U mietro novyja praviły karystańnia prapisali pa-rasiejsku. A čamu?
U Biełarusi byli pryniatyja novyja praviły karystańnia mietrapalitenam, u suviazi z čym kiraŭnictva mietrapalitena apublikavała novyja praviły, tradycyjna raźmieščanyja ŭ adpaviednym błoku, što drukujecca pad mapami mietrapalitena ŭ vahonach mietro.
Ale novyja praviły byli apublikavanyja nie na biełaruskaj (jak heta było raniej), a na rasiejskaj movie.
Raniej minski mietrapaliten užo sprabavaŭ zamianić biełaruskuju movu rasiejskaj. Tak, abviestki pra čarhovuju stancyju ŭ mietrapalitenie karotki čas abjaŭlalisia pa-rasiejsku, ale praz zvaroty hramadzianaŭ byli nieŭzabavie zamienienyja. Paźniej mietrapaliten rabiŭ sprobu rusifikavać abviestki ab praviłach karystańnia, ale praz zvaroty hramadzian abviestki byli pieraahučanyja.
Upeŭnieny, što dastatkovaja kolkaść zvarotaŭ padšturchnie kiraŭnictva da viartańnia biełaruskaj movy ŭ praviły, što maje sens jak hledziačy na raźmieščanuju nad praviłami biełaruskamoŭnuju mapu mietrapalitena, tak i raniejšuju redakcyju praviłaŭ, što publikavałasia pa-biełarusku.
Prapanavać pierakłaści praviły karystańnia mietrapalitenam na biełaruskuju movu možna, dasłaŭšy list pa adrasie 220030, h. Minsk, pr. Niezaležnaści, 6, dyrektaru KUP «Minski mietrapaliten» Raścisłavu Stanisłavaviču Jureniu.
Aproč taho, prośbu možna dasłać praz formu elektronnych zvarotaŭ na aficyjnym sajcie, a taksama na elektronnuju skryniu ([email protected])
Jaje možna vykazać i ŭ vusnaj formie, patelefanavaŭšy pa telefonie na haračuju liniju 8 (017) 219-50-09.
