Ukrainskaje MZS prezientavała zhienieravanaha štučnym intelektam pres-sakratara
Hałoŭnaj pryčynaj stvareńnia pres-sakratara pa imieni Viktoryja stała «ekanomija času i resursaŭ» dypłamataŭ.
U sieradu Ukraina pradstaviła zhienieravanaha štučnym intelektam pres-sakratara pa imieni Viktoryja, jakaja budzie rabić aficyjnyja zajavy ad imia ŭkrainskaha Ministerstva zamiežnych spraŭ, paviedamlaje «Hołas Amieryki».
Ministerstva zajaviła, što «ŭpieršyniu ŭ historyi» budzie vykarystoŭvać ličbavaha pres-sakratara dla čytańnia svaich zajaŭ. Pres-słužba Ministerstva zamiežnych spraŭ paviedamiła, što zajavy Viktoryi nie zhienieravanyja štučnym intelektam, a «napisanyja i pravieranyja realnymi ludźmi», a ŠI dapamahaje hienieravać tolki vizualnuju častku.
Meet Victoria Shi — a digital representative of the MFA of Ukraine, created using AI to provide timely updates on consular affairs!
For the first time in history, the MFA of Ukraine has presented a digital persona that will officially comment for the media. pic.twitter.com/KTtuCVR1ku
Ministr zamiežnych spraŭ Ukrainy Dźmitryj Kuleba zajaviŭ, što novy pres-sakratar — heta «technałahičny skačok, jakoha jašče nie ździajśniała nivodnaja dypłamatyčnaja słužba ŭ śviecie».
Pavodle jaho słoŭ, hałoŭnaj pryčynaj jaje stvareńnia stała «ekanomija času i resursaŭ» dypłamataŭ.
Stvaralniki Viktoryi — kamanda pad nazvaj The Game Changers, jakaja taksama rabiła kantent virtualnaj realnaści, źviazany z vajnoj va Ukrainie.
Pratatypam Viktoryi stała Razali Nombre, śpiavačka i byłaja ŭdzielnica ŭkrainskaj viersii realici-šou «Chałaściak».
Nombre naradziłasia ŭ Daniecku na ŭschodzie Ukrainy.
U jaje 54 000 padpisčykaŭ u instahramie. U Ministerstvie zajavili, što Nombre ŭdzielničała ŭ prajekcie biaspłatna. U zajavie ministerstva padkreślivajecca, što Viktoryja i Nombre «dva roznyja čałavieki» i što aficyjnyja zajavy robić tolki Viktoryja.
Kab paźbiehnuć padrobak, zajavy buduć supravadžacca QR-kodam, jaki źviazvaje ich z tekstavymi viersijami na sajcie Ministerstva.
Čytajcie taksama:
U ZŠA adbyŭsia pieršy ŭ historyi pavietrany navučalny boj pamiž čałaviekam i štučnym intelektam
