Milicyja znoŭ zatrymała Paŭła Vinahradava
Aktyvist apazicyi Pavieł Vinahradaŭ siońnia pajšoŭ u milicyju Maskoŭskaha rajona Minska adznačacca, bo adnosna jaho dziejničaje previentyŭny nahlad. Ale z pastarunka pakul nie vyjšaŭ.
Na vulicy jaho zastałasia čakać žonka, siabry. Im paviedamili, što z Paŭłam «pravodziać razmovu», telefon jaho adklučany.
Žonka Śviatłana miarkuje, što heta čarhovaje zatrymańnie, joj zaŭsiody tak adkazvajuć, što byccam by ź jaje mužam pravodziać prafiłaktyčnyja hutarki, a potym sadžajuć na sutki.
Za apošnija dva hady Pavieł adbyŭ u Centry izalacyi pravaparušalnikaŭ na Akreścina bolš za 200 dzion.
Napiaredadni Vinahradaŭ vyjšaŭ na volu paśla 15 —sutkavaha aryštu. Siarod inšaha jon paviedamiŭ učora: «Siońnia mnie dali padpisać papieru, što źmianilisia praviły, pavodle jakich ja mušu adznačacca ŭ RUUS. Kali raniej dla hetaha mnie pryznačyli čaćvier z 9 ranicy da 6 viečara, dyk ad siońnia ja mahu heta rabić tolki pa piatnicach i tolki z 9 ranicy da 10 ranicy. Čamu hetak, nie viedaju. Mahčyma, znoŭ chočuć mianie zakryć. Tamu zaŭtra pajdu adznačacca, uziaŭšy z saboju rečy».
