Paśla TBM chočacca paškadavać biełaruskuju kulturu
Ja vielmi daŭno nie była ŭ siadzibie Tavarystva biełaruskaj movy, i voś siońnia zabiehła tudy, kab napisać pra imprezu. Impreza była niakiepskaja. Ale ŭvieś čas, pakul ja znachodziłasia tam, mnie strašna chaciełasia źbiehčy z hetaha miesca. Ja siadzieła pry blakłym žoŭtym śviatle, hladzieła na abšarpanuju farbu, staryja kresły, raskidanyja haziety TBM, jakija nichto nie čytaje, ale ich praciahvajuć vydavać i vydavać, kab jany lažali miertvym hruzam na takich ža miortvych i starych stałach. Ja hladzieła na niepryhožyja kalendary i biezhustoŭna rasklejenyja vyjavy biełaruskich dziejačaŭ i mnie stanaviłasia ahidna.
Ja złavała na siabie, bo nielha tak kazać pra svajo, ale kali tabie ahidna, ty ničoha nie možaš z hetym zrabić. U vyniku ja vyrašyła sabie nie chłusić.
Pry ŭsioj pavazie da ich dziejnaści, takija miescy jak TBM Biełarusi supraćpakazany. Ja skažu «dziakuj» im za ich pracu, ale kali ty nie maješ prezientabielnaha i pryvabnaha vyhladu dla ludziej, plon luboj pracy hublajecca.
Kali ja traplaju na siadzibu TBM, mianie nibyta adkidvaje na hod 30 nazad. I nie tamu što ŭ ich hrošaj niama, hrošy tut ni pry čym. Ja dumaju, moładź lohka dapamahła b upryhožyć miesca, abnavić i ŭnieści ŭ jaho niešta sučasnaje. Sprava prosta ŭ niejkim zdranćvieńni.
Biełaruščyna pavinna być estetyčnaj i adpaviadać płyni času! Tolki ŭ takim vypadku jana zmoža być pryvabnaj dla moładzi. Kali TBM maje namier rabić niešta tolki dla piensijanieraŭ, to u ich heta vydatna atrymlivajecca. Ale heta tupik.
Biełarusam treba zabaranić naviedvać takija miescy, paśla jakich chočacca paškadavać biełaruskuju kulturu. A jaje škadavać nie treba, bo jana nie takaja.
* * *
A voś jakaja dyskusija na tuju ž temu była 14 hadoŭ nazad:
Andrej Dyńko. Chto nie źmianiŭsia ci što nie źmianiłasia
Aleh Trusaŭ. «Naša Niva», na žal, žaŭcieje…
Andrej Dyńko. Sprava naša i Maša
Ci što pamianiałasia za 14 hadoŭ? Što? Što jašče musić źmianicca? Abmiarkoŭvajcie, vykazvajciesia — u kamientach i artykułach.
Apytanka
