Vietlivy Oklend, hruby Paryž: składzieny rejtynh pryjaznych haradoŭ śvietu
Časopis Conde Nast Traveler na asnovie dadzienych apytańnia svaich čytačoŭ skłaŭ top samych dobrazyčlivych haradoŭ u śviecie.
Zhodna z vynikami apytańnia, samymi pryjaznymi napramkami dla turyzmu ŭ 2014 hodzie źjaŭlajucca Oklend (Novaja Ziełandyja), Mielburn (Aŭstralija) i Viktoryja (Kanada). Hetyja harady zaniali pieršyja try radki rejtynhu.
Oklend
Oklend staŭ lidaram śpisu dziakujučy «čystamu pavietru, śviežaj ježy i dziŭnaj kultury». Mielburn ž, choć i raźmiaściŭsia na druhim radku rejtynhu, atrymaŭ zvańnie «adnaho z samych kłasnych haradoŭ śvietu» za toje, što ŭ horadzie žyvie pryjaznaje nasielnictva z vydatnym pačućciom humaru. Dalej u rejtynhu: Viktoryja (Kanada), Čarlstan (ZŠA), Dublin (Irłandyja), Sidnej (Aŭstralija), Sijem-Ryp (Kambodža), Kiejptaŭn (PAR), Savana (ZŠA), Sievilja (Ispanija).
Akramia pazityŭnaha rejtynhu, časopis Conde Nast Traveler skłaŭ taksama śpis samych niepryjaznych haradoŭ.
Nasau
Turystyčnyja miescy ŭ im raźmiaścilisia ŭ takim paradku: Nasau (Bahamy), Monte-Karła (Manaka), Miłan (Italija), Frankfurt (Hiermanija), Piekin (KNR), Marsel (Francyja), Paryž (Francyja), Maskva (Rasija), Kany (Francyja), Jochanesburh (PAR). Pryčym čytačy adznačyli, što ŭ Jochanesburhu adpačyvać niebiaśpiečna, u Piekinie žudasnaje pavietra, a paryžanie «vielmi hrubyja».