Uvaha: u čaćvier i piatnicu ŭ Biełarusi prahnazujuć mocnyja daždžy
U bližejšyja sutki, 20 žniŭnia, čakajecca vobłačnaje z prajaśnieńniami nadvorje. Nočču pieravažna biez apadkaŭ.
Dniom na bolšaj častcy Bresckaj, Minskaj i Viciebskaj abłaściej, a na astatniaj terytoryi miescami projduć karotkačasovyja daždžy, u asobnych rajonach — navalnicy.
Tempieratura pavietra minimalnaja nočču +9.. + 15°C, maksimalnaja dniom +20.. + 25°C, pa paŭdniovym uschodzie da + 28°C. Atmaśfierny cisk istotna nie źmienicca.
U nastupnyja dvoje sutak zachavajecca niaŭstojlivaje nadvorje.
21 žniŭnia nadvorje ŭ Biełarusi budzie vyznačać aktyŭny atmaśfierny front.
Na bolšaj častcy projduć navalničnyja daždžy, dniom miescami mocnyja, pry navalnicach škvalistaje ŭzmacnieńnie vietru paryvami da 15-20 m/s.
Tempieratura pavietra minimalnaja nočču +9.. + 16°C, pa paŭdniovym uschodzie da +18°C, maksimalnaja dniom +19.. + 25°C, pa paŭdniovym uschodzie jana dasiahnie da + 29°C.
22 žniŭnia nadvorje ŭ krainie budzie vyznačać atmaśfierny front, a dniom na zachodniuju pałovu krainy raspaŭsiudzicca vobłaść pavyšanaha atmaśfiernaha cisku. Nočču na bolšaj častcy terytoryi, dniom pa ŭschodzie krainy projduć karotkačasovyja daždžy, miescami prahrymiać navalnicy.
Nočču ŭ asobnych rajonach čakajucca mocnyja daždžy.
Tempieratura pavietra minimalnaja nočču +7.. + 13°C, maksimalnaja dniom +18.. +24°C.
