Лукашэнка не выключае стварэння на тэрыторыі «Вялікага каменя» прадпрыемстваў сістэмы ВПК
Аляксандр Лукашэнка не выключае стварэння на тэрыторыі Кітайска-беларускага індустрыяльнага парку «Вялікі камень» прадпрыемстваў сістэмы ваенна-прамысловага комплексу. Аб гэтым кіраўнік дзяржавы заявіў сёння на сустрэчы са старшынёй Камітэта па кантролі і кіраванні дзяржаўнай маёмасцю пры Дзяржаўным савеце КНР Сяо Яцінам, перадае карэспандэнт БелТА.
У якасці аднаго з кірункаў для развіцця ўзаемадзеяння Лукашэнка назваў сумеснае з дзяржаўнымі карпарацыямі ўмацаванне вайскова-тэхнічнага супрацоўніцтва. «Цалкам магчыма і нядрэнна было б стварэнне ў парку высокатэхналагічных прадпрыемстваў сістэмы вайскова-прамысловага комплексу. Можна сумесных, можна кітайскіх. І трэба, каб кітайскія карпарацыі ВПК прыйшлі ў гэты парк», - заявіў кіраўнік дзяржавы.
