У Лондане запрацаваў тратуар-генератар электраэнергіі ФОТА
Кампанія PaveGen з 2009 года распрацоўвае тратуарную плітку, якая ператварае кінэтычную энергію пешаходаў у электраэнергію. Апошнім праектам стала лонданская вуліца Bird Street, адзін з тратуараў якой пакрылі спецыяльнай пліткай PaveGen.
Кампанія паведамляе, што электрычнасць пліткі выпрацоўваецца за кошт магнітаў і шпулек. Кожны крок па дарожцы плошчай 10 кв.м на Bird Street стварае колькасць электраэнергіі, якой можна асвятліць тратуар і адначасова прайграваць аўдыёзапісы на калонках, якія знаходзяцца побач. Таксама выкарыстоўваць энергію можна для дэкаратыўнае падсветкі дрэваў і раздачы блютуз-сігналу.
Чым больш людзей знаходзяцца на дарожцы, тым больш электрычнасці яна вырабляе. Таму для прываблівання пешаходаў аўтары прапануюць размяшчаць уздоўж дарожкі розныя гандлёвыя пункты.
