Прэм'ер Японіі: КНДР можа прымяніць хімічную зброю
Паўночная Карэя можа валодаць магчымасцямі для запуску ракет з хімічнымі боегалоўкамі, заявіў японскі прэм'ер-міністр Сіндза Абэ, выступаючы ў парламенце. Ён заявіў, што ў рэгіёне расце рызыка прымянення атрутнага газу зарыну.
У сваім выступе Абэ адзначыў, што Японія «вельмі шануе» прыхільнасць адміністрацыі Дональда Трампа да падтрымання парадку ў свеце.
Так прэм'ер пракаментаваў ракетны ўдар, нанесены ЗША па адной з баз урадавых сіл у Сірыі пасля таго, як Башара Асада абвінавацілі ва ўжыванні атрутнага газу зарыну супраць насельніцтва.
Аднак, працягнуў Абэ, у Азіяцка-ціхаакіянскім рэгіёне таксама ёсць рызыка прымянення зарыну і зброі масавай паражэння ў цэлым.
«Існуе магчымасць таго, што КНДР ужо валодае сродкамі дастаўкі боегаловак з зарынам. Нядаўна з дапамогай гэтага газу былі забітыя больш за 100 чалавек, мы павінны дакладна гэта зразумець і прыняць меры з тым, каб яны [КНДР] не змаглі гэтага паўтарыць. Нам патрэбныя сродкі абароны», — сказаў Абе.