Forbes назваў імёны найбагацейшых амерыканцаў
Сталі вядомыя імёны 400 самых багатых амерыканцаў. Іх назваў часопіс Forbes, паведамляюць інфармагенцтвы.
networthwala.com
На першым радку рэйтынгу аказаўся сузаснавальнік Microsoft Біл Гейтс. Яго маёмасць ацэньваецца ў $81 млрд. Кіраўнік Amazon.com Джэф Безас на другім месцы, гендырэктар Berkshire Hathaway Уорэн Бафет — на трэцім. У пяцёрцы багатых таксама кіраўнік Facebook Марк Цукерберг і заснавальнік Oracle Лары Элісан. Кандыдат у прэзідэнты Дональд Трамп — на 156-м радку з $3,7 млрд.
Самай багатай амерыканкай названая дачка заснавальніка сеткі Wal-Mart Эліс Уолтан (13-е месца). У цэлым жа ў рэйтынгу аказалася 50 жанчын.
Заснавальнік Snapchat 26-гадовы Эван Шпігель стаў самым маладым у спісе найбагацейшых амерыканцаў. Больш за 10% людзей, якія трапілі ў рэйтынг, нарадзіліся не ў ЗША.
У цэлым маёмасць 400 самых багатых амерыканцаў дасягнула ў 2016 годзе 2,4 трлн — гэта рэкордная сума за ўсю гісторыю складання рэйтынгу.