Святлана Куль. Сяброўка ночка, дарагая…
Сяброўка ночка, дарагая,
Ты залюляеш, ты заспіш —
На ноч з плячэй сваіх скідаю
Грувасткі і абрыдлы крыж.
Шкада плячэй, крыжом пацёртых,
А больш яшчэ шкада душу,
А заўтра зранку – mecum porto —
Усё сваё з сабой нашу.
8.07.16.
Святлана Куль, facebook.com
Хочаш падзяліцца важнай інфармацыяй
ананімна і канфідэнцыйна?
Пішыце рэдактару
«Нашай Нівы» ў ТГ
