Настольны тэніс: Уладзімір Самсонаў выйшаў у чвэрцьфінал і там сустрэнецца з сябрам

Уладзімір Самсонаў з дзявятага матчбола выйшаў у чвэрцьфінал адзіночнага разраду Алімпійскіх гульняў у Рыа-дэ-Жанейра ў спаборніцтвах па настольным тэнісе.

Самсонаў перамог брытанца Пола Дрынкхола з лікам 4—2 (9, 6, 8, —15, —7, 8). Беларус вёў 3:0 і 10:5 у чацвёртай партыі, але толькі з дзявятага матчбола перамог.

За выхад у паўфінал Самсонаў згуляе з Дзмітрыем Аўчаровым. Сустрэча адбудзецца 9 жніўня ў 22.00 па беларускім часе.

Цікава, што Аўчароў — сябар Самсонава, яны разам трэніраваліся. Аўчароў выступае за Нямеччыну, хоць родам ён з Украіны.

0

0

0

0

0

0