У Расіі аб'явілі ў вышук папулярнага рэпера Oxxxymiron
Вядомы рэпер Oxxxymiron аб'яўлены ў вышук у Расіі. Ягоная картка з'явілася ў базе мясцовага МУС. Па якім артыкуле вышукваюць Мірона Фёдарава, невядома, піша ASTRA.
Скрыншот: ASTRA
Oxxxymiron — адзін з тых расійскіх артыстаў, якія адкрыта выступілі супраць вайны ва Украіне. За выказванні і песні рэпера ўжо некалькі разоў штрафавалі.
У пачатку 2023 года суд у Санкт-Пецярбургу прызнаў Аксімірона вінаватым паводле адміністрацыйнага артыкула аб «публічных закліках да сепаратызму» з-за трэка «Ойда». За гэта яго аштрафавалі на 70 тысяч расійскіх рублёў (амаль 1000 даляраў).
У канцы 2022 года Ленінскі суд Пецярбурга штрафаваў рэпера па артыкуле аб «дыскрэдытацыі» арміі на 45 тысяч расійскіх рублёў (70 даляраў). Нагодай стала антываеннае відэа, апублікаванае ў лютым 2022 года.
Мірон Фёдараў быў прызнаны ў Расіі «замежным агентам». Па даных ТАСС, яго шукаюць за парушэнне правіл дзейнасці замежнага агента.
Чытайце таксама:
Расійскага спевака Шарлота абвінавачваюць у «злачынствах супраць міру і чалавецтва»
