Зборныя Кітая і ЗША маюць у сваім актыве па пяць залатых медалёў Рыа-2016
Зборныя ЗША і Кітая размясціліся на першых радках агульнага заліку Алімпійскіх гульняў у Рыа-дэ-Жанейра, выйграўшы ўжо па пяць залатых медалёў.
Фота Reuters.
Амерыканцы ў панядзелак папоўнілі сваю скарбонку яшчэ дзвюма вышэйшымі ўзнагародамі ў плаванні. Лілія Кінг выйграла 100 метраў брасам, а Раян Мэрфі — такую ж дыстанцыю на спіне.
У Кітая ў трэці дзень спаборніцтваў таксама два золата. Дуэт Лін/Чэн выйграў сінхронныя скачкі ў ваду з 10-метровай вышкі, а Сунь Ян быў лепшым у заплыве на 200 метраў вольным стылем.
1. ЗША — 5-7-7
2. Кітай — 5-3-5
3. Аўстралія — 4-0-3
4. Італія — 3-4-2
5. Японія — 3-0-7.
Усяго ўзнагароды ёсць у скарбонцы ўжо 38 краін-удзельніц Алімпіяды. Беларусы медалёў пакуль не заваёўвалі.
Адзначым, што сярод іншых няма ўзнагарод і ў актыве каманды Германіі.
