Zbornyja Kitaja i ZŠA majuć u svaim aktyvie pa piać załatych miedaloŭ Rya-2016
Zbornyja ZŠA i Kitaja raźmiaścilisia na pieršych radkach ahulnaha zaliku Alimpijskich hulniaŭ u Rya-de-Žaniejra, vyjhraŭšy ŭžo pa piać załatych miedaloŭ.
Fota Reuters.
Amierykancy ŭ paniadziełak papoŭnili svaju skarbonku jašče dźviuma vyšejšymi ŭznaharodami ŭ płavańni. Lilija Kinh vyjhrała 100 mietraŭ brasam, a Rajan Merfi — takuju ž dystancyju na śpinie.
U Kitaja ŭ treci dzień spabornictvaŭ taksama dva zołata. Duet Lin/Čen vyjhraŭ sinchronnyja skački ŭ vadu z 10-mietrovaj vyški, a Suń Jan byŭ lepšym u zapłyvie na 200 mietraŭ volnym stylem.
1. ZŠA — 5-7-7
2. Kitaj — 5-3-5
3. Aŭstralija — 4-0-3
4. Italija — 3-4-2
5. Japonija — 3-0-7.
Usiaho ŭznaharody jość u skarboncy ŭžo 38 krain-udzielnic Alimpijady. Biełarusy miedaloŭ pakul nie zavajoŭvali.
Adznačym, što siarod inšych niama ŭznaharod i ŭ aktyvie kamandy Hiermanii.
