Беларускі асілак Кірыл Шымко зрушыў самы вялікі верталёт у свеце ФОТА

25 ліпеня праслаўлены беларускі асілак, рэкардсмен Кнігі рэкордаў Гінэса Кірыл Шымко ўстанавіў чарговае дасягненне. Ён зрушыў з месца і працягнуў прыблізна 20 метраў самы вялікі ў свеце верталёт «Мі-26» вагой амаль 28,2 тоны.

Фота: Аляксандр Васюковіч, tut.by

Менавіта гэты верталёт замаўлялі ў МНС Беларусі для здымак галівудскага фільма «Моцны арэшак» з Брусам Уілісам.

«Самае важнае было не атрымаць траўму. Я нікому нічога не хачу даказваць. Гэта добрая матывацыя для ўсіх людзей, якія хочуць выглядаць лепш, прыйсці ў залу, трэніравацца. Вядома, надзвычайна прыемна, што я здолеў зрушыць гэты верталёт. Гэта самы вялікі ў свеце верталёт», — кажа Кірыл Шымко.

Відэа можна паглядзець тут. 

БелаПАН

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0