Капітан Амерыка ў новым коміксе стаў злыднем
Капітан Амерыка ў новым коміксе, прысвечаным Сусвету Marvel, стаў злыднем, паведамляюць сусветныя СМІ.
У новай навэле «Капітан Амерыка: Стыў Роджэрс» распавядаецца пра падзеі, якія мелі месца ў 1940-х гадах. Па ходзе развіцця дзеяння высвятляецца, што Роджэрс заўсёды быў дрэнным хлопцам і агентам арганізацыі «Гідра», якая з'яўляецца адной з самых магутных і небяспечных у Сусвеце Marvel.
Нядзіўна, што пераўвасабленне Капітана Амерыкі з даволі хваравітага юнака, які стаў супергероем пасля ўвядзення ў яго арганізм спецыяльнай ін'екцыі, у злыдня абурыла прыхільнікаў коміксаў. Аднак іх аўтар Нік Спенсэр запэўнівае, што такі сюжэтны ход проста неабходны для развіцця Сусвету Marvel. Паводле абяцання Спенсэра, у наступных выпусках коміксаў будуць падрабязна апісаныя падрабязнасці гэтай трансфармацыі.
