Экс-палітвязень Васіль Парфянкоў, што ваюе ў Данбасе, атрымаў украінскае грамадзянства
Беларускі добраахвотнік Васіль Парфянкоў, які знаходзіцца ў складзе добраахвотнага батальёна АУН у зоне АТА, атрымаў украінскае грамадзянства — паведамляе на сваёй старонцы ў Facebook камандзір гэтага самага батальёну Мікола Каханіўські.
Таксама ён паведаміў пра схему, дзякуючы якому беларускаму добраахвотніку ўдалося атрымаць украінскі пашпарт.
«Ён падаў дакументы ў міграцыйную службу, затым яго выклікалі ў СБУ і спыталі, чаму ён не можа вярнуцца ў Беларусь. Сябра распавёў, што на яго ў Беларусі адкрыты дзве справы: першая — за нацыяналістычную дзейнасць у Беларусі, другая - за наёмніцтва за яе межамі, а менавіта ва Украіне. СБУ накіравала запыт у беларускі КДБ, словы сябры пацвердзіліся. І вось нядаўна наш сабрат атрымаў пашпарт грамадзяніна Украіны!».
***
У 2011 годзе Васіль Парфянкоў быў асуджаны ў межах крымінальнай справы аб масавых беспарадках у Мінску 19 снежня 2010 года. Яго прысудзілі да чатырох гадоў пазбаўлення волі ў калоніі строгага рэжыму, але ў жніўні таго ж года асуджаны выйшаў на волю на падставе ўказа прэзідэнта аб памілаванні.
Наступны раз Парфянкоў быў узяты пад варту 5 снежня 2013 г. падчас апублікавання прысуду па арт. 421 КК (Невыкананне патрабаванняў прэвентыўнага нагляду). Прысуджаны да года пазбаўлення волі з адбываннем пакарання ў папраўчай калоніі ва ўмовах строгага рэжыму. Некалькі апошніх месяцаў Парфянкоў даседжваў тэрмін у адзіночнай камеры.
19 снежня 2014 Парфянкоў з'ехаў ва Украіну абараняць яе, па яго ўласных словах, «ад расійскіх акупантаў».