Eks-palitviazień Vasil Parfiankoŭ, što vajuje ŭ Danbasie, atrymaŭ ukrainskaje hramadzianstva
Biełaruski dobraachvotnik Vasil Parfiankoŭ, jaki znachodzicca ŭ składzie dobraachvotnaha bataljona AUN u zonie ATA, atrymaŭ ukrainskaje hramadzianstva — paviedamlaje na svajoj staroncy ŭ Facebook kamandzir hetaha samaha bataljonu Mikoła Kachaniŭśki.
Taksama jon paviedamiŭ pra schiemu, dziakujučy jakomu biełaruskamu dobraachvotniku ŭdałosia atrymać ukrainski pašpart.
«Jon padaŭ dakumienty ŭ mihracyjnuju słužbu, zatym jaho vyklikali ŭ SBU i spytali, čamu jon nie moža viarnucca ŭ Biełaruś. Siabra raspavioŭ, što na jaho ŭ Biełarusi adkryty dźvie spravy: pieršaja — za nacyjanalistyčnuju dziejnaść u Biełarusi, druhaja - za najomnictva za jaje miežami, a mienavita va Ukrainie. SBU nakiravała zapyt u biełaruski KDB, słovy siabry paćvierdzilisia. I voś niadaŭna naš sabrat atrymaŭ pašpart hramadzianina Ukrainy!».
***
U 2011 hodzie Vasil Parfiankoŭ byŭ asudžany ŭ miežach kryminalnaj spravy ab masavych biesparadkach u Minsku 19 śniežnia 2010 hoda. Jaho prysudzili da čatyroch hadoŭ pazbaŭleńnia voli ŭ kałonii strohaha režymu, ale ŭ žniŭni taho ž hoda asudžany vyjšaŭ na volu na padstavie ŭkaza prezidenta ab pamiłavańni.
Nastupny raz Parfiankoŭ byŭ uziaty pad vartu 5 śniežnia 2013 h. padčas apublikavańnia prysudu pa art. 421 KK (Nievykanańnie patrabavańniaŭ previentyŭnaha nahladu). Prysudžany da hoda pazbaŭleńnia voli z adbyvańniem pakarańnia ŭ papraŭčaj kałonii va ŭmovach strohaha režymu. Niekalki apošnich miesiacaŭ Parfiankoŭ dasiedžvaŭ termin u adzinočnaj kamiery.
19 śniežnia 2014 Parfiankoŭ źjechaŭ va Ukrainu abaraniać jaje, pa jaho ŭłasnych słovach, «ad rasijskich akupantaŭ».
