Украіна афіцыйна абвясціла «чорны спіс» расійскіх артыстаў
Міністэрства культуры Украіны афіцыйна апублікавала «чорны спіс» расійскіх артыстаў і грамадскіх дзеячаў, якія, на думку ўладаў, пагражаюць нацыянальнай бяспецы краіны.
фота з инстаграма Іосіфа Прыгожына
Як адзначаецца ў паведамленні мінкульту, згодна з украінскім заканадаўствам Дзяржкіно будзе спыняць дзеянне пракатнага пасведчання фільмаў з удзелам асоб, якія трапілі ў спіс.
З расійскіх акцёраў у спіс трапілі, у прыватнасці, Міхаіл Баярскі і Сяргей Бязрукаў.
Таксама ў спіс увайшлі спевакі Грыгорый Лепс і Іосіф Кабзон, спявачка Валерыя, Мікалай Растаргуеў, акцёры Міхаіл Парэчанкаў і Іван Ахлабысцін, спявак Алег Газманаў. У спісе таксама значацца Ягор Халмагораў і Жэрар Дэпардзье.
У паведамленні адзначылі, што спіс будзе пашырацца.
Раней Міністэрства культуры Украіны апублікавала першую рэдакцыю «белага спісу» дзеячаў мастацтва, творчасць якіх ведамства рэкамендуе падтрымліваць. Большасць месцаў у спісе з 34-х пазіцый занялі расійскія акцёры і музыканты, а ўзначаліў яго Андрэй Макарэвіч.
