Дзякуй, што не прайгралі: Люксембург — Беларусь — 1:1

У стартавым матчы адборачнага турніру чэмпіянату Еўропы 2016 г. па футболе зборная Беларусі ў гасцях згуляла з Люксембургам унічыю 1:1.

Люксембуржцы адкрылі лік у матчы на 42-й хвіліне: вызначыўся Ларс Герсон. Дагэтуль гаспадары перыядычна атакавалі і мелі некалькі момантаў.

Зборнай Беларусі ўдалося зраўняць на 78-й хвіліне высілкамі Станіслава Драгуна (пас — Цімафей Калачоў).

Чатыры гады таму, у кастрычніку 2010 г., Беларусь таксама згуляла ў гасцях з Люксембургам унічыю — 0:0 (а ў 2007 г. у Гомелі беларусы наогул прайгралі 0:1).

Сёння ў нашай адборачнай групе Украіна дома прайграла Славакіі — 0:1, а Іспанія перамагла Македонію — 5:1.

9 кастрычніка Беларусь дома гуляе з Украінай, а 12 кастрычніка — са Славакіяй.

0

0

0

0

0

0