Украіна звярнулася да ЕС і NATO з просьбай аб вайсковай дапамозе

Міністр замежных спраў Украіны Павел Клімкін звярнуўся да ЕС і NATO па ваенную дапамогу для краіны.

Аб гэтым кіраўнік МЗС Украіны паведаміў у інтэрв'ю нямецкаму радыё «Дойчланд-функ».

Ад NATO чакаюць змены стратэгіі ў адносінах з Украінай. Па словах Клімкіна, зараз патрэбна не толькі палітычная падтрымка, але і вайсковая.

Таксама кіраўнік МЗС адзначыў, што існуе сур'ёзная пагроза ўварвання з боку Расіі: украінскія войскі бесперапынна абстрэльваюць з тэрыторыі суседняй дзяржавы, не спыняецца і падтрымка сепаратыстаў, праз КПП, якія не кантралюе Украіна, ідзе пастаянны паток баевікоў, зброі і тэхнікі.

Разам з тым міністр падкрэсліў, што аб уступленні Украіны ў NATO пакуль гаворкі не вядзецца.

Украінская праўда

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0