Набытыя квіткі на цягнікі ў Мінводы, Адлер і Анапу прыйдзецца перааформіць

Пасажырам прыйдзецца перааформіць набытыя да 27 чэрвеня квіткі на цягнікі ў Мінеральныя вады, Адлер і Анапу, паведамілі ў прэс-цэнтры БЧ.

Гаворка ідзе пра цягнікі №46 Мінск—Мінеральныя Воды, №302 Мінск—Адлер і №390 Мінск—Анапа.

З 10 ліпеня яны ідуць па новым маршруце праз тэрыторыю Расіі. У сувязі гэтым зменены час іх адпраўлення са станцыі Мінск-Пасажырскі.

З маршруту выключаны беларускія станцыі Пухавічы, Асіповічы, Бабруйск, Чырвоны Бераг, Жлобін, Буда-Кашалёўск, Гомель.

Каб скарыстацца набытымі да 27 чэрвеня квіткамі, неабходна зрабіць на іх адпаведныя адзнакі ў чыгуначных касах. Пры жаданні пасажыры могуць здаць квіткі, пры гэтым будзе вярнуты іх поўны кошт.

Паводле БелТА

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0