Na vypraŭleńnie pamyłak restaŭrataraŭ Lidskaha zamka vydzialajuć 7 młrd
Ministerstva kultury Biełarusi ŭ 2013 hodzie asablivuju ŭvahu nadaść restaŭracyi Lidskaha zamka. Nie tolki ŭ suviazi z nabližeńniem da zaviaršeńnia rabot, ale i z ulikam nieabchodnaści vypraŭleńnia pralikaŭ minułych hadoŭ ź biudžetu vydatkavana 7 miljardaŭ rubloŭ.Pra heta 10 kastryčnika paviedamiŭ ministr kultury Pavieł Łatuška ŭ Niaśvižskim pałacy padčas śviatkavańnia Dnia rabotnikaŭ kultury.
Taksama jon adznačyŭ, što «ŭ 2013 hodzie Ministerstva kultury ličyć pryjarytetnym aktyvizacyju prac pa restaŭracyi Navahrudskaha, Kreŭskaha i Ružanskaha zamkaŭ, na jakija płanujecca vydatkavać 10, 5 i 5 miljardaŭ rubloŭ adpaviedna. U pieralik pryjarytetnych abjektaŭ restaŭracyi varta adnieści ŭnikalny siadzibny dom u vioscy Krasny Bierah Žłobinskaha rajona, na jaki płanujecca vydatkavać 16 miljardaŭ rubloŭ respublikanskich asihnavańniaŭ i taki ž abjom miascovych srodkaŭ, što dazvolić zabiaśpiečyć uvod abjekta ŭ nastupnym hodzie».
Ministerstvam kultury ŭpieršyniu arhanizavany i praviedzieny respublikanski konkurs na lepšy prykład achovyVyniki konkursu byli padviedzienyja ŭ apošnija dni vieraśnia ŭ miežach śviatkavańnia Jeŭrapiejskich dzion spadčyny.historyka-kulturnaj spadčyny.
Pavieł Łatuška padkreśliŭ, što «nieabchodna ŭzmacnić pracu pa pryciahnieńni fundataraŭ dla pieradačy nievykarystoŭvanych siadzibnych kompleksaŭ i inšych abjektaŭ spadčyny z metaj zabieśpiačeńnia ich zachavanaści i ŭklučeńnia ŭ haspadarčy zvarot ci turystyčnuju infrastrukturu. Važnaj zadačaj źjaŭlajecca pavyšeńnie ŭzroŭniu i jakaści restaŭracyjnych prac».
U 2012 hodzie była raspačataja realizacyja dziaržaŭnaj prahramy «Zamki Biełarusi» na 2012–2018 hady, jakoj praduhledžana vykanańnie rabot na 38 pomnikach.Sioleta raboty pravodziacca na dvaccaci abjektach spadčyny. Za košt srodkaŭ respublikanskaha i miascovych biudžetaŭ u 2012 hodzie raspačata raspracoŭka prajektnaj dakumientacyi na praviadzieńnie kansiervacyi zamkaŭ u Krevie, Navahrudku, Halšanach. Srodki miascovych biudžetaŭ nakiravany na kansiervacyju zamkavych muroŭ i dobraŭparadkavańnie terytoryj zamčyščaŭ u Bychavie, Hieranionach, Brasłavie, Suražy.
Na siońniašni dzień status
