Kalakin: «Tyja, chto admoviŭsia ŭdzielničać u vybarach, zhubili»
Lidar «Spraviadlivaha śvietu» tłumačyć, čamu jahonaja partyja idzie na vybary.
Lidar «Spraviadlivaha śvietu» Siarhiej Kalakin paŭdzielničaŭ uanłajn-kanfierencyi na sajcie Radyjo Svaboda. Voś što jon adkazaŭ na pytańnie, navošta jahonaja partyja idzie na vybary:
«
Ja liču, što tyja, chto nia ŭdzielničaje albo admoviŭsia ŭdzielničać u vybarach, jany zhubili. Ja ich nie asudžaju: jany abrali taki farmat udziełu va ŭmovach, kali vybaraŭ niama. My pryniali farmat udziełu: iści da kanca, i ŭ hetym jość šmat plusaŭ (nie chaču na ich spyniacca).
My nie naiŭnyja, my razumiejem, što naŭrad ci našy ludzi atrymajuć mandaty. Ja ŭžo kazaŭ, ale paŭtarusia: samaje hałoŭnaje dla nas — nia toje što budzie adbyvacca ŭ vynikovych pratakołach vybarčych kamisij, a toje, što zastaniecca ŭ hałovach našych ludziej. Za kaho jany buduć siońnia: za ciapierašniuju ŭładu, albo za tuju alternatyvu, jakuju im prapanuje naša partyja, prapanoŭvajuć inšyja kandydaty.
Ja razumieju, što pracaj ź ludźmi treba zajmacca i
pa-za vybarčaj kampanijaj, ale vybarčaja kampanija dała šmat mahčymaściaŭ dla znosinaŭ ź ludźmi, i my imi całkam skarystalisia.
Siońnia jany skazać hetaha nia mohuć: siońnia jany nie puskajuć našych ludziej u kamisii, jany vyhaniajuć našych naziralnikaŭ, specsłužby presujuć našych kandydataŭ u deputaty, i pra ŭsio heta piša niezaležnaja presa, usio heta abmiarkoŭvajecca ŭ demakratyčnym asiarodku.
Kali b nas nie było, nie było b čaho abmiarkoŭvać, i nie było b prykładaŭ i faktaŭ, jakija dazvalajuć pierakanaŭča davodzić, što na samaj spravie adbyvajecca ŭ Biełarusi pad čas tak zvanych «vybaraŭ».
My padzialajem ahulnaje mierkavańnie pra toje, što svabodnych, raŭnapraŭnych, spraviadlivych, prazrystych vybaraŭ siońnia niama. I heta nie zaležyć ad taho, što budzie adbyvacca 23 vieraśnia. Heta źviazana z šmat jakimi rečami, takimi, naprykład, jak svaboda ŚMI, svaboda raspaŭsiudu i atrymańnia infarmacyi, svaboda hramadzianaŭ abjadnoŭvacca ŭ palityčnyja partyi i hramadzkija abjadnańni, svaboda mitynhaŭ, demanstracyj, svaboda słova i inšaje, čaho siońnia ŭ krainie niama albo jano vielmi mocna abmiežavanaje.