Siarhiej Levin: Jość popyt na identyfikacyju biełarusaŭ
Ź intervju «Ekanamičnaj haziecie».
— Vy adzin ź niamnohich biznesoŭcaŭ, chto nahadvaje biełarusam, što ŭ ich jość mova, aktyŭna vykarystoŭvajučy biełaruskamoŭnyja brendy. Vy zadavoleny ekanamičnym vynikam takoha pazicyjanavańnia?
— Našyja šmatlikija daśledavańni i kantakty sa spažyŭcami pakazvajuć, što jość popyt na identyfikacyju biełarusaŭ. Mahčyma, jon nie taki vialiki, ale jon jość. Našyja markietynhavyja stratehii skiravanyja na jaho padtrymańnie i zadavalnieńnie. Prykład — pralny parašok «Mara». Adnak ja nie mahu acanić ekanamičny efiekt ad takoha pazicyjanavańnia, bo dla hetaha paprostu niama dakładnych mietodyk. Ale my atrymlivajem šmat listoŭ i vusnych zvarotaŭ, u jakich ludzi kažuć, što im vielmi padabajecca biełaruskaja mova. Ja baču, što da nas staviacca z pavyšanaj pavahaj, i my heta cenim.