Rasija vyjhrała čempijanat śvietu

Zbornaja Rasii vyjhrała 76-čempijanat śvietu pa chakiei, što prachodziŭ u Šviecyi i Finlandyi.

U finalnym matčy, što prajšoŭ u Chielsinki, zbornaja Rasii vyjhrała ŭ kamandy Słavakii ź likam 6:2 (1:1, 3:0, 2:1). Rasija była čempijonam śvietu ŭ 1993-m, 2008-m, 2009-m hadach.

3-je miesca zaniała zbornaja Čechii, jakaja pieramahła ŭ matčy za bronzu Finlandyju (čempijona-2011) — 3:2.

IICHF nazvała łaŭreataŭ čempijanatu śvietu. Najlepšaha hulca ŭ kožnym ampłua pa tradycyi vyznačaŭ dyrektarat turniru: najlepšy bramnik — Jan Łaca (Słavakija), najlepšy abaronca — Zdena Chara (Słavakija), najlepšy forvard — Jaŭhien Małkin (Rasija).

U simvaličnuju zbornuju, jakaja farmujecca pa vynikach hałasavańnia žurnalistaŭ, uvajšli: Łaca, Chara — Nikulin (Rasija), Małkin — Toresien (Narviehija) — Zeterbierh (Šviecyja).

MVP čempijanatu — Jaŭhien Małkin.

***

Zbornaja Biełarusi finišavała na 14-m miescy (pieradapošniaje miesca ŭ hrupie), vyjhraŭšy adzin matč (Kazachstan 3:2), i prajhraŭšy šeść hulniaŭ (Finlandyja — 0:1, Šviejcaryja — 2:3, ZŠA — 3:5, Słavakija — 1:5, Francyja — 1:2, Kanada — 1:5).

U 2013 h. čempijanat śvietu projdzie taksama ŭ Šviecyi i Finlandyi (finał u Stakholmie).

Zbornaja Biełarusi trapiła ŭ hrupu S (budzie hulać u Stakholmie) razam sa zbornymi Šviecyi, Čechii, Kanady, Narviehii, Šviejcaryi, Danii, Słavienii.

Skład hrupy H (Chielsinki): Rasija, Finlandyja, Słavakija, ZŠA, Hiermanija, Łatvija, Francyja, Aŭstryja.

Čempijanat śvietu pa chakiei 2014 hoda projdzie ŭ Minsku.

nn.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0