Šarapava pryznačyła datu viasiella + fota
Ab šlubie damaŭlalisia menedžary Šarapavaj i Vujačyča.
Adviečnaja supiernica Viktoryi Azaranki Maryja Šarapava i jaje žanich, słavienski baskietbalist Saša Vujačyč pryznačyli datu viasiella.
Jak paviedamlajuć amierykanskija ŚMI, Šarapava vyjdzie zamuž 10 listapada 2012 hodu ŭ Stambule. Maryja i Saša pačali sustrakacca ŭ 2009 hodzie, kali słavieniec vystupaŭ u NBA Amieryki za «
Biełaruska pa pachodžańni, Šarapava šmat dabradziejstvaŭ zrabiła dla dziaciej u čarnobylskaj zonie Homielščyny.
Vybar miesca praviadzieńnia ŭračystaj cyrymonii abumoŭleny tym, što Vujačyč vystupaje za turecki «Efies Piłsen», a taksama tym faktam, što vynikovy čempijanat Suśvietnaj tenisnaj asacyjacyi 2012 hoda projdzie ŭ tureckaj stalicy.
«Znajści svabodnaje miesca ŭ hrafiku druhoj rakietki śvietu i baskietbalista NBA składana, tamu damaŭlacca ab šlubie zorak suśvietnaha sportu daviałosia ich menedžaram, — pakieplivaje presa. — Intaresy Vujačyča pradstaŭlaŭ tolki 1 ahient, a voś z boku niaviesty prysutničali adrazu 10 menedžaraŭ».
Słavienskija ŚMI pisali, Vujačyč padaryŭ maładusie piarścionak koštam 250 tysiač dalaraŭ.
